Personau collaborador dera Administracion electorau

Informacion generau sus eth personau collaborador dera administracion electorau

Era Administracion electorau deth Govèrn dera Generalitat de Catalonha se dòte de personau collaborador entàs prètzhèts restacadi damb era execucion deth referendum mejançant un procès de seleccion daurida as ciutadans includidi en recensament electorau.

Aguest procès de seleccion tierà en compde de manèra preferenta era experiéncia prealabla des candidats en prètzhèts similars en auti procèssi electoraus atau coma era sua relacion, deth trabalh o foncionariau, damb quinsevolhe administracion publica de Catalonha.

Es persones seleccionades seràn nomentades atau:

a) Representants dera Administracion
b) Coordinadors electoraus municipaus
c) Coordinadors electoraus comarcaus
d) Agents electoraus

Se voletz préner part en procès de seleccion vos auetz d’inscríuer ací.

Representants dera administracion

Es representants dera Administracion (RA) son eth cadion que met en relacion es burèus de vòte e era Administracion electorau. Eth sòn papèr ei clau entath succès deth referendum, tant ena part logistica coma ena garantia dera normalitat dera jornada electorau.

Foncions:
  • Velhar pera adeqüacion deth collègi electorau, atau coma era recepcion e era garda deth materiau electorau.
  • Dar sosten as membres des burèus de vòte en procès d’installacion des burèus de vòte.
  • Transméter era informacion a propòs dera dubertura deth locau.
  • Informar ath Centre de recuelhuda de donades (CRD) dera constitucion des burèus de vòte.
  • Transméter ath CRD es auanci de participacion.
  • Transméter ath CRD eth resultat der escrutinh des burèus de vòte.
  • Gerir era recepcion e era liurason dera documentacion electorau.

Se voletz préner part en procès de seleccion vos auetz d’inscríuer ací.

Coordinadors electoraus municipaus

Es coordinadors electoraus municipaus [CEM] son es responsables deth succès deth referendum en cada municipi. Coordinen tota era operativa electorau en sòn municipi jos es directritzes des coordinadors electoraus comarcaus [CEC], e supervisen era accion des representants dera Administracion [RA].

Foncions:
  • Formar e coordinar es accions logistiques de preparacion dera jornada electorau.
  • Coordinar eth desplegament des representants dera Administracion pendent era jornada electorau e dessenhar eth protocòu d’accion e comunicacion.
  • Supervisar eth desplegament des representants dera Administracion e resòlver es eventuaus incidéncies.
  • Informar sus eth debanament dera jornada electorau e dera situacion operativa deth sòn municipi.
  • Gerir era recepcion e era liurason dera documentacion electorau.

Se voletz préner part en procès de seleccion vos auetz d’inscríuer ací.

Coordinadors electoraus comarcaus

Es coordinadors electoraus comarcaus [CEC] son es responsables deth succès deth referendum en cada comarca. Coordinen tota era operativa electorau ena sua comarca jos es directritzes dera Administracion electorau deth Govèrn dera Generalitat e supervisen era accion des coordinadors electoraus municipaus [CEM].

Foncions:
  • Formar e coordinar es accions logistiques de preparacion dera jornada electorau
  • Coordinar eth desplegament des coordinadors electoraus municipaus pendent era jornada electorau e dessenhar eth protocòu d’accion e comunicacion.
  • Supervisar eth desplegament des coordinadors electoraus municipaus e resòlver es eventuaus incidéncies.
  • Informar sus eth debanament dera jornada electorau e dera situacion operativa dera sua comarca
  • Gerir era recepcion e era liurason dera documentacion electorau.

Se voletz préner part en procès de seleccion vos auetz d’inscríuer ací.

Agents electoraus

Es agents electoraus son eth personau qu’a en cargue es prètzhèts de sosten administratiu e logistic que siguen de besonh en totes es fases deth procès electorau.

Se voletz préner part en procès de seleccion vos auetz d’inscríuer ací.

88Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies