Interventors e apoderadi

Qüestions e arresponses sus interventors e apoderadi

Qué ei un interventor/a?

Er interventor/a ei era persona assignada peth/pera representanta de demarcacion d’ua formacion politica (partit politic, federacion o coalicion) damb representacion en Parlament de Catalonha o d’ua organizacion interessada, entà realizar es foncions següentes:

• Dar assisténcia ath burèu de vòte e participar enes sues deliberacions, damb votz mès sense vòte.
• Formular reclamacions e protèstes e demanar certificats deuant eth burèu de vòte.

Es interventors/es exercissen es sues foncions solaments en burèu en qué son acreditadi.

 
Qué ei un apoderat?

Un apoderat/ada ei era persona a qui eth representant de demarcacion d’ua formacion politica (partit politic, federacion o coalicion) damb representacion en Parlament de Catalonha o d’ua organizacion interessada autrege poders entà qu’age era representacion d’aguesta formacion o organizacion enes actes e operacions electoraus. Es sues foncions son es següentes:

• Accedir lliuraments enes locaus electoraus.
• Examinar eth debanament dera votacion e der escrutinh en quinsevolhe burèu de vòte
• Formular reclamacions e protèstes e demanar certificats deuant eth burèu de vòte.

 
Com se designen e acrediten es interventors e apoderadi?

Es partits politics, es federacions e es coalicions damb representacion en Parlament de Catalonha e es organizacions interessades pòden designar interventors e apoderadi dempús deth dotzau dia posterior ara convocacion e enquia cinc dies abans dera jornada de votacion, per mejan d’ua impression de sollicitacion pes corresponenti representants de demarcacion.

Es persones designades coma interventors e apoderadi seràn acreditadi pera sindicatura electorau de demarcacion corresponenta.

 
Quin nombre maximau d’interventors o apoderadi d’ua madeisha formacion politica o organizacion interessada pòden exercir es sues foncions laguens d’un madeish burèu de vòte?

Non pòden excedir entà cada burèu de vòte eth nombre de dus apoderadi e interventors deth madeish partit politic, federacion, coalicion o organizacion interessada.

 
A on vòten es interventors/es e apoderadi/ades?

Es interventors/es e apoderadi/ades solaments pòden eméter eth vòte en burèu de vòte que les correspone d’acòrd damb eth recensament electorau.